हजारौँ सपना बोकेर राजधानी पुगेका आशिष् अफिस नपुग्दै अस्ताए 

धनगढी, फागुन १६ – गएको सोमबार कीर्तिपुरबाट रत्नपार्क चल्ने बसमा अफिस जाँदै थिए आशिष् । कीर्तिपुरबाट रत्नपार्क चल्ने बा २ ख १८४० नम्बरको माइक्रो बसमा यात्रु धेरै रहेको र सहचालकले ढोका नलगाएका कारण भट्ट माइक्रोबाट खसे । त्यसपछि उपचारकै क्रममा उनको मृत्यु भएको उहाँका काका टेकराजले जानकारी दिए ।
कीर्तिपुरमा गुडिरहेको माइक्रो बसबाट खसेर घाइते भएका आशिष् भट्टको उपचारका क्रममा ज्यान गएको हो ।
गएको सोमबार कीर्तिपुरको तीनकुनेमा गुडिरहेको माइक्रो बसबाट खसेका कैलालीको घोडाघोडी नगरपालिका ४ का भट्टको उपचारका क्रममा वयोधा अस्पतालमा ज्यान गएको प्रहरीले जनाएको छ ।
आशिष् कुलेश्वरमा रहेको आफू कार्यरत कार्यालय जाने क्रममा दुर्घटनामा परेको उहाँले बताउनुभयो ।