एमसीसी हुबहु पारित हुनुपर्छ: देउवा

धनगढी, २१ फागुन - पूर्व प्रधानमन्त्री तथा नेपाली काग्रेसका सभापति शेर बहादुर देउवाले मिलेनियम च्यालेन्ज कर्पोरेशन (एमसीसी) हुबहु पारित हुनुपर्ने बताएका छन् । नेपाल प्रेस युनियन कैलालीले आज बिहान धनगढीमा आयोजना गरेको पत्रकार सम्मेलनमा बोल्दै उनले यस्तो बताएका हुन् ।
'एमसीसी जस्ताको त्यस्तै पास हुनुपर्छ यसले नेपाललाई ठुलो पैसा दिएको छ र दिइरहनेछ' उनले भने – 'यसमा हाम्रो बिरोध छैन ।' यस बिषयमा आफुहरुको सहमति रहेको बताउदै देउवाले सरकारसंग पटक पटक सल्लाह गरौंं भन्दा पनि हुन नसकेको बताए । 
सो क्रममा देउवाले पछिल्लो समय देशमा भष्ट्चार मौलाएको बताए । सुदूरपश्चिम सरकारले समेत कुनै कमनै गर्न नसकेको उनको भनाइ छ ।
 अहिले विश्वलाईनै आतङकित बनाउने किसिमले फैलिएको कोराना भाइरसबाट जोगिन सबैले सचेतता अपनाउनुपर्ने आग्रह समेत देउवाले गरे । 'अहिले खतरानाक रोगका रुपमा कोराना भाईरसले धेरैको ज्यान लिइरहेको छ यो नेपालमा पनि आउने सम्भावना रहेको छ' उनले भने, 'त्यसैले हामी सबै नेपालीहरुले पनि यसमा सर्तकता अपाउनुपर्छ ।'
उनले मृगौला प्रत्यारोपणका लागि अस्पताल भर्ना भएका प्रधानमन्त्री केपी शर्मा ओलाीको शीघ्र स्वास्थ्य लाभको कामना समेत गरे ।