कोरोना आशंकामा ८ बर्षकी छोरीसहित कैलालीका एक ३२ बर्षीय पुरुष सेती अस्पतालको आइसोलेसनमा भर्ना

धनगढी, वैशाख २२ – कोरोना आशंकामा थप २ जनालाई सेती अस्पतालको आइसोलेसनमा भर्ना गरिएको छ । कैलालीको गौरीगंगा नगरपालिकाको मसुरीयाका ३२ बर्षीय पुरुष र उनकी ८ बर्षकी छोरी आइसोलेसनमा भर्ना भएका हुन ।
दुवै जना जिल्ला बाहिरबाट नआएको बुझिएपनि रुघाखोकी र ज्वरो आएपछि अस्पतालको आईसोलेसनमा राखिएको अस्पतालले जनाएको छ ।
यसअघि कञ्चनपुरको शुक्लाफाटा नगरपालिकाकी एक युवतीलाई पनि प्रादेशिक अस्पतालको आईसोलेसनमा राखिएको छ ।

तीनै जनाको कोरोना परिक्षका लागि स्वास संकलन गरिएको अस्पतालका सूचना अधिकारी दिलिप श्रेष्ठले जानकारी दिए ।