सेती नदी किनारमा घाटीमा डोरीले बाँधेको शिशुको शव फेला

मनमाेहन पनेरू
डोटी, असार १५ -                              
डोटीको दिपायल सिलगढी नगरपालिका ३ स्थित जिल्ला  आयुर्वेदिक अस्पताल नजिक रहेको सेती नदीको किनारमा बेवारिसे शिशुको शव फेला परेको  छ । शव इलाका प्रहरीका  अनुसार जन्मेको २२ देखि २५ घण्टा सम्मको रहेको इलाका प्रहरी कार्यालय दिपायलका इन्चार्ज रमेश बहादुर शाहीले बताए ।
शाहीका अनुसार शिशु कसको हो भन्ने पहिचान खुलेको छैन । बिहानको समयमा सेती नदीमा धमिलो पानी र नदीको पानी पनि बढी रहेको थियो  त्यही अवस्थामा नदीमा बगाएको अनुमान गरेको छ । 
शवको घाटीमा डोरी लगाएको हुनाले मारेको र मारी सके पछि नदीमा बगाएको हुनसक्ने प्रहरीले अनुमान गरेको छ । 
यस वारे थप अनुसन्धान भइरहेको र थाह पाएमा हदै सम्मको कारबाही हुने उनले बताएका छन् । शव अहिले पोस्टमार्टमका लागि जिल्ला अस्पताल डोटीमा राखिएको छ ।