अब बिदेश जादा चाहिने श्रम स्वीकृति अनलाइनबाटै टोकन मार्फत

अब विदेशमा काममा जानका लागि चाहिने श्रम स्वीकृति लिन अनलाइनबाटै टोकन प्राप्त हुने भएको छ ।

श्रम स्वीकृति प्रक्रियालाई सरल र सहज बनाउन वैदेशिक रोजगारको कार्यालय ताहाचलले आज आइतबारबाट यो प्रणाली सुरु गरेको हो ।

पछिल्लो दिनमा कार्यालयमा सेवाग्राहीको भीड बाक्लो हुँदा सेवा सम्पादन प्रभावित भइरहेको छ । त्यसैलाई व्यवस्थापन गर्ने गरी अब अनलाइन फारम भर्दा नै टोकन नम्बर दिन सुरु गरिएको हो ।

नयाँ श्रम स्वीकृति, पुनः श्रम स्वीकृति र कागजात प्रमाणीकरणका लागि अनलाइन टोकन अनिवार्य गरिएको छ ।

अनलाईन खबर बाट