काठमाडौंबाट बझाङ आउँदै गरेको बस दुर्घटना

बर्दिया, असार  ८ – काठमाडौंबाट बझाङतर्फ आउँदै गरेको बस दुर्घटना हुँदा १२ जना घाइते भएका छन् । ७ जनाको अवस्था गम्भीर छ । प्रहरीका अनुसार, आइतबार बिहान बर्दियाको बारबर्दिया–७, रम्भापुरमा ना ६ ख १३३९ नम्बरको बस अनियन्त्रित भइ दुर्घटनाग्रस्त भएको हो ।

जिल्ला प्रहरी कार्यालय बर्दियाका प्रहरी नायब उपरिक्षक मदनजित महराले गम्भीर घाईते भएका सातै जनालाई कोहलपुर मेडिकल कलेज रेफर गरिएको जानकारी दिए । दुर्घटनापछि बस चालक फरार भएका छन् । उनको खोजतलास भइरहेको जनाइएको छ ।