महाकाली राजमार्ग अवरुद्ध

बैतडी,२४ भदाै । बैतडीको सुर्नया गाउँपालिका वडम नम्बर ३ धरमघर नजिकको सडकखण्डमा खसेको पहिरोले महाकाली राज मार्ग अवरुद्ध छ।
सतबाँझ–गोकुलेश्वर खण्डको सुर्नया गाउँपालिका–३ धरमघर भन्दा तल  हिलसाइड होटेल नजिक  पहिरो खसेपछि राज मार्ग अवरुद्ध भएको जिल्ला प्रहरी कार्यालय  बैतडीका प्रहरी प्रवक्ता प्रहरी निरीक्षक योगेश खत्रीले जानकारी दिए ।

 लागातारको  वर्षाका कारण सडक माथिबाट पहिरो खसेर आइतबार  बिहान  ११ बजे देखि राजमार्ग  अवरुद्ध भएको जिल्ला प्रहरी कार्यालय  बैतडीले जनाएको  छ ।  राजमार्ग अवरुद्ध हुँदा  सवारी साधन रोकिएका छन्। सवारी साधन रोकिँदा यात्रुहरु बीचबाटोमै अलपत्र परेका छन्।
राजमार्गमा खसेको पहिरो पन्छाएर सडक खुलाउने  प्रयास भइरहेको प्रहरी प्रवक्ता खत्रीले बताए । बैतडी सहित  सुदूरपहाडमा हिजो देखि लगातार वर्षा भैरहेको  छ ।