सुदूरपश्चिम प्रदेशबाट नगरविकासमा देउवा मनोनित
धनगढी, साउन ५ - सुदूरपश्चिम प्रदेशबाट नगरविकास कोषको संचालक समितिमा भिमबहादुर देउवा मनोनित भएका छन् ।
देउवा कैलालीको गौरीगंगा नगरपालिकाका नगरप्रमुख हुन । प्रदेशका विभिन्न महानगर र नगरपालिकाका मेयर तथा उपमेयर तीन जना महिला सहित ७ जनालाई नगर विकास कोषको सञ्चालक समितिको सदस्य पदमा मनोनयन गर्ने प्रावधान रहेको छ । सोही प्रावधानअन्तर्गत सुदूरपश्चिम प्रदेश बाट गौरीगंगा नगरपालिकाका प्रमुख देउवा मनोनयन भएका हुन ।
नगरविकास कोष संचालक समितिको सदस्यमा आफुले प्रदेशकै प्रतिनिधित्व गर्ने भएकाले गौरीगंगा संगै प्रदेशका सबै नगरपालिकाहरुको विकासका लागि गम्भीर भएर लाग्ने बताए । सफत लिएपछि सुदूरपश्चिम प्रदेशका ३४ वटै नगरपालिकाका प्रमुखहरु संग बैठक बसेर यहाँ कुन क्षेत्रमा नगरविकासले लगानी कहाँ आवश्यक छ भन्ने बारेमा छलफल गरिने बताए । उनले भने नगरविकासको लगानी ठोस ठाउँमा लाग्नुपर्छ भन्नेमा म छु ।