भ्रष्टाचार गर्ने वडाध्यक्षलाई विप्लव समूहले दल्यो कालोमोसो

साउन ३० - 

म्याग्दीमा वडा अध्यक्षमाथि कालो मोसो दलेर दुर्व्यवहार गरिएको छ। म्याग्दीको बेनी नगरपालिका वडा नम्बर २ का वडा अध्यक्ष हिराबहादुर थापालाई नेत्रविक्रम चन्द विप्लव नेतृत्वको प्रतिबन्धित समूहले कालो मोसो दलेर दुर्व्यवहार गरेका हुन्।

बिहीबार अध्यक्ष थापालाई विप्लव समूहका केही व्यक्तिहरूले वडा कार्यालयमै कालो मोसो दलेका हुन्। वडामा विभिन्न विकास निर्माणको काममा भ्रष्टाचार गरेको आरोप लगाउँदै उनीहरूले कालो मोसो दलेको बताएइएको छ।

वडामा आएको बजेट हिनामिना गरेको, राजस्व सङ्कलनमा मनलाग्दी गरेको, आफन्तलाई छुट दिएर अरूबाट कर लिएको भनेर वडा अध्यक्षलाई त्यस्तो गरिएको नेकपाले जनाएको छ।