कृष्णबहादुर महरा अस्पताल भर्ना

असोज २३ - 

बलात्कारको आरोपमा प्रहरी हिरासतमा रहेका निवर्तमान सभामुख कृष्णबहादुर महरालाइ अस्पताल भर्ना गरिएको छ ।

स्वास्थ्यमा समस्या आएपछि उपचारका लागि उनलाई थापाथलीस्थित नर्भिक इन्टरनेशनल अस्पताल भर्ना गरिएको हो ।

उच्च रक्तचापको समस्या देखिएपछि महरालाई बिहीबार दिउँसो अस्पताल भर्ना गरिएको हो। अब जाँचको रिपोर्ट आएपछि मात्र महराको अस्पताल बसाइ के–कति हुने भन्नेबारे टुंगो लाग्ने छ ।

संसद सचिवालयकी कर्मचारी रोशनी शाहीमाथि बलात्कारको प्रयासमा महरालाई प्रहरीले अदालतको अनुमति लिएर सभामुख निवासबाटै असोज १९ गते पक्राउ गरेको हो।  उनलाई पक्राउ गरेर सिंहदरबारस्थित प्रहरी वृत्तमा राखिएको थियो। उनको बयान असोज २८ गते अदालत खुलेपछि मात्र हुनेछ।