धनगढीमा परीक्षण गर्दा थप दुई जनालाई देखियो कोरोना

धनगढी, वैशाख ४ - 
धनगढीमा दुई जनाको पीसीआर परीक्षण गर्दा कोरोना संक्रमण पोजेटिभ देखिएको छ । गत सोमबार सुर्खेतबाट ९९  जनाको थ्रीट स्वाब परीक्षणका लागि कैलालीको प्रयोगशालामा पठाइएको थियो । जसमध्ये रुकुम पश्चिमबाट मात्रै ३९ जनाको स्वाब परीक्षण गरिएको थियो । त्यस मध्य रुकुम पश्चिमका दुई जनाको परीक्षण पोजेटिभ आएको हो । 
धनगढी स्थित पशु पंक्षी अन्वेषण प्रयोगशालामा जडान गरिएको आरटी-पीसीर मेसिनमा गरिएको परीक्षणमा पोजेटिभ रिपोर्ट आएको हो । 
उनीहरुको रिपोर्ट सुर्खेत पठाइएको छ । सुर्खेतबाट पुनः परीक्षणका लागि काठमाडौ पठाइएको बुझिन आएको छ ।