सीमामा समस्या परेकालाई सहयोग गर्दै डाक्टर नितेश कनौडियाको टिम र नेपालगन्ज मेडिकल कलेज

1
1
June 04, 9:38

धनगढी, जेठ २२ - सुदूरपश्चिम प्रदेश र प्रदेश नम्बर ५ का नाकाहरूबाट दैनिक रूपमा नेपालीहरू भित्रिरहेका छन् । उनीहरूलाई विभिन्न मनकारीहरूले सहयोग गर्दै आएका छन् । त्यसमै पर्छन् डाक्टर नितेश कुमार कनौडिया र उनको टिम । कनौडिया नेपालगन्ज मेडिकल कलेजका सह निर्देशक हुन भने उनी लगायतका उनका साथीहरूले सामाजिक कामका लागि खोलिएको फिल द बकेटका पनि सदस्य हुन् । डाक्टर कनौडियाकै पहलमा धनगढीको गौरीफन्टा नाकामा पुगेका नेपालीहरूलाई खाना पानी खुवाउने काम भइरहेको छ । सीमामा अलपत्र नेपालीहरूले खाना खान नपाएर भोक भोकै भएको अवस्थामा धनगढीका युवाहरूको समूह रोयल कोलाब्रोटिभ्सले खाना खुवाउँदै आएकोमा फिल द वकेट र नेपालगन्ज मेडिकल कलेजले पनि सहयोग थालेको छ । धनगढीको निसर्ग अस्पतालले रोयल कोलाब्रोटिभ्सलाई खाना खुवाउनका लागि सहयोग गर्दै आएको डाक्टर नितेश उनको टिम र नेपालगन्ज मेडिकल पनि जोडिएको हो । 
निसर्ग अस्पतालका अध्यक्ष तीर्थ पन्तको सहयोगमा नेपालगन्ज मेडिकल कलेज र फिल द बकेटले गौरीफन्टा नाकामा पुगेकाहरूलाई खाना खुवाउने काम भइरहेको छ । पछिल्ला दुई दिनमा उनीहरूको सहयोगमा खाना खुवाइएको छ । पहिलो दिन १३ सय र दोस्रो दिन १४ सय जनालाई खाना खुवाइएको छ । डाक्टर कनौडियाले गौरीफन्टा नाकामा पहिलो चरणका लागि १० हजार जनालाई खाना खुवाउने प्रतिबद्धता जनाएका छन् । त्यसका लागि रोयल कोलाब्रोटिभ्सलाई सहयोग गरिसकेको अवस्थामा झण्डैै ५० हजार जनालाई खाना खुवाउन प्रतिबद्धता जनाएको निशर्ग अस्पतालका अध्यक्ष तीर्थ पन्तले बताए । 
डाक्टर नितेन सहितको टीमले नेपालगन्जको रुपडीया नाकामा पनि खाना पानी खुवाउँदै आएको छ । भारतबाट फर्किने नेपालीहरूलाई लक्षित गरेर नेपालगन्जको जमुनाह नाकामा तयारी खाजा र पानी वितरणलाई जारी राखिएको हो । मेडिकल कलेज नेपालगन्जले फिल्ड द वकेटसँगको सहकार्यमा बिस्कुट, चाउचाउ र पानीको प्याकेज बनाएर वितरण गरिरहेकोमा हालसम्म १३ हजार ६ सय २८ जनालाई खाजा पानी दिइएको डाक्टर नितेशकुमार कनौडियाले जानकारी दिए । उनले आफ्नो जन्मदिनको अवसर पारेर थालेको सहयोग गर्ने अभियान अन्तर्गत आउने नेपाली नागरिकलाई प्रति व्यक्ति एक बोतल पानी, चाउचाउ र बिस्कुट एक हप्तासम्म नियमित रूपमा दिएका छन् । खाद्य सामाग्री दिन उनी आफै सीमा नाकामा खटिँदै आएका छन् । 
यति बेला दैनिक कयौँ नेपालीहरू जमुनाह नाका हुँदै घर फर्किने गरेका छन् । भोकै प्यासै घर फर्किनेलाई कनोडियाको सहायताले ठुलो राहत महसुस गराएको छ ।

कनोडियाले भने, हाम्रो सानो सहायताले नेपाली दाजुभाइहरूको दुःखमा मलम लगाउने विश्वास लिएको छ । डाक्टर कनोडिया बाँकेको कोरोना विरुद्धको अभियानमा पनि उत्तिकै सक्रिय छन् ।
नेपालगन्ज मेडिकल कलेजका सह निर्देशक रहेका कनौडीया लगायत उनका साथीहरू सामाजिक कामका लागि २०१४ मा फिल द वकेटको सुरुवात गरेका हुन । यसमा कुनै पनि सङ्घ संस्थाको नभएर साथीभाईहरुले दिएको सहयोगबाट सामाजिक काम गरिँदै आएको छ । अहिले सीमामा पुगेका नेपालीहरूलाई सहयोग भइरहेकोमा यसअघि पनि अन्य समयमा पनि सहयोग गर्दै आएको डाक्टर कनौडियाले बताए । उनका अनुसार २०७२ सालको भूकम्पमा पनि उनीहरू सक्रिय रूपमा लागेका थिए ।

NT-APP-AD

सम्बन्धित वर्गका समाचारहरू

दार्चुलामा गठबन्धनका कार्यकर्ताले अवरुद्ध गरेको सडक खुल्यो
दार्चुला - दार्चुलामा गठबन्धनका कार्यकर्ता अवरुद्ध गरेको सडक सुचारु भएको छ। नेकपा एमालेका… विस्तृतमा
‘राष्ट्रपतिको संविधान विरोधी कदम भन्दै कैलालीका सत्तारुढ भातृ…
धनगढी  - सरकारमा सहभागी दलहरूका कैलाली स्थित भातृ तथा युवा सङ्गठनहरूले नागरिकता विधेयकमा… विस्तृतमा
एकै चरणमा चुनाव भए पनि सुरक्षा दिन सक्षम छौं : प्रहरी
काठमाडौं । सरकारले ४ मंसिरका लागि प्रदेश र प्रतिनिधिसभाको निर्वाचन गर्ने निर्णय गरेसँगै नेपाल… विस्तृतमा
भारतबाट चोरीको सुन ल्याएर धनगढीमा बेच्ने सन्तोषलाई प्रहरीले ३…
धनगढी - नेपाल सुनचाँदी व्यवसायी महासङ्घ, सुदूरपश्चिमका सभापति र उनकी पत्नीलाई प्रहरीले पक्राउ गरेको… विस्तृतमा