डडेल्धुराका ५ सहित सुदूरपश्चिमका थप ६ जनामा कोरोना पुष्टि, प्रदेशमा सङ्क्रमित ९२ पुगे 

धनगढी, जेठ २३ - सुदूरपश्चिममा आज थप ६ जनामा कोरोना पुष्टि भएको छ। धनगढीस्थित कोरोना परीक्षण प्रयोगशालामा थप ६ जनामा कोरोना पुष्टि भएको सेती प्रादेशिक अस्पतालका सूचना अधिकारी दिलीप श्रेष्ठले बताए।

आज डडेल्धुराका ५ र कैलालीका एक जनामा कोरोना पुष्टि भएको उनले बताए। डडेल्धुराको गन्यापधुरा गाउँपालिका वडा नम्वर १ का १७ र ३८ बर्षीय पुरुष, वडा नम्वर २ का १९, २४ र ५७ बर्षीय पुरुष तथा कैलालीको जानकी गाउँपालिका वडा नम्वर ७ का १६ बर्षीय पुरुषमा कोरोना पुष्टि भएको हो।  

योसंगै सुदूरपश्चिममा संक्रमितको सङख्या ९२ पुगेको छ।