पत्रकार कुँवरद्वारा गाउँपालिका र वडाहरूमा स्वास्थ्य सामाग्री हस्तान्तरण 

डोटी, जेठ ३१ - डोटीमा क्रियाशील पत्रकार चक्र कुँवरले स्वास्थ्य सामाग्री हस्तान्तरण गर्नु भएको छ । डोटी जिल्लामा रेडियोको क्षेत्रमा १० वर्ष देखी क्रियाशील पत्रकार कुँवरले बोगटान फुड्सिल गाउँपालिका र पालीकाका विभिन्न वडाहरूमा स्वास्थ्य सामाग्री वितरण गर्नु भएको हो । जस अन्तर्गत गाउँपालिका लाई ५ सय वटा सर्जीकल मास्क र १५ थान स्यानिटाइजर प्रमुख प्रशासकीय अधिकृत शङ्कर सुचीकारलाई कार्यालयमा हस्तान्तरण गरेका छन् । 
यसै गरी वडा नम्बर ५ धिर्कामाडौमा १०५ वटा लाइभवाइ साबुन, १०५ वटा सर्जिकल मास्क र १५ वटा स्यानिटाइजर आफै क्वारेन्टाइनमा पुगेर वितरण गरेका हुन् । यस्तै वडा नम्बर ७ चवारा चौतारालाइ १३० वटा लाइभवाइ सावुन, १३० वटा सर्जिकल कास्क र १५ वटा सेनिटाइजर वडा अध्यक्ष देव वहादुर वमलाइ वडा कार्यालयमा पुगेर हस्तान्तरण गरेको पत्रकार कुँवरले जानकारी दिए । 
उनले वडा नम्बर ४ सातफरीमा रहेका ११ क्वारेनटाइनका १९१ जना लाई यस अघि नै स्वास्थ्य सामाग्री तथा खाद्य वस्तु वितरण गरी सकेका छन् । वोगटान फुड्सील गाउँपालिका वडा नम्बर ४ सातफरी घर भएका पत्रका कुँवर रेडियो डोटीका संस्थापक अध्यक्ष तथा प्रबन्ध निर्देशक हुनुका साथै नेपाल प्रेस युनियनका उपाध्यक्ष समेत हुन् । आफ्नो अभियान निरन्तर चलिरहने उनले बताएका छन् । साथै सामाग्री वितरणमा सहयोग गर्ने सहयोगी हातहरूलाई धन्यवाद व्यक्त गरेका छन् ।