तीन महिनाको एक लाख ३५ हजार घर भाडा छुट दिने मनकारी जनप्रतिनिधि
धनगढी, असार ९ - धनगढी उपमहानगरपालिकाका कार्यपालिका सदस्य तथा राष्ट्रिय दलित नेटवर्कका कैलाली अध्यक्ष प्रेम विकले तीन महिनाको घर भाडा नलिने घोषणा गरेका छन् । धनगढी चौराहा नजिक भाडामा दिएको घरमा भाडामा व्यवसाय सञ्चालन गर्दै आएका व्यवसायीबाट भाडा नलिने उनले घोषणा गरेका हुन् ।
लक डाउनका कारण भाडा दिन नसक्ने अवस्थामा पुगेकालाई भाडामा कर गरेर समस्यामा पार्नु भन्दा केही सहुलियत होस् भनेर तीन महिनाको भाडा नलिने घोषणा गरेको उनको भनाई छ ।
‘ऋण कर्जा गरेर भाडा दिनुपर्ने अवस्था आएपछि उनीहरूलाई समेत केही राहत होस् भनेर भाडा नलिने भनेको हुँ ।’ उनले भने ।
उनले महिनाको ४५ हजारका दर तीन जनासँग एक लाख ३५ हजार भाडा नलिने बताएका हुन् ।
घरबेटीले भाडा नलिने घोषणा गरेसँगै भाडामा व्यवसाय सञ्चालन गर्दै आएकाहरूले निकै राहत महसुस भएको बताएका छन् । त्यहाँ होटेल व्यवसाय सञ्चालन गर्दै आएका डोटीको जोरायल निवासी विनोद भट्टले भने, ‘तीन महिनादेखि ठप्प भएको व्यवसायका कारण आर्थिक सङ्कट परेपछि कसरी भाडा तिर्ने भन्ने समस्या भएको थियो । तर अहिले भाडा मिनाहा भएपछि निकै राहत महसुस भएको छ ।