दार्चुलामा मध्य राति घरमा पहिरो खस्दा बाबुछोराको पुरिएर मृत्यु , आमा गम्भीर घाइते

दार्चुला, असार १५ – दार्चुलामा पहिरोमा पुरिएर बाबु छोराका मृत्यु भएको छ भने आमा गम्भीर घाइते भएकी छन् । जिल्लाको नौ गाड गाउँपालिका ४ होपरीमा नहर भत्किदा गएको पहिरोले बाबु छोराको मृत्यु भएको हो भने आमा गम्भीर घाइते भएकी हुन् ।

गए राती १२ बजेतिर घरमाथि रहेको जलविद्युतको नहर भत्किदा गएको पहिरोले स्थानीय २५ वर्षीय चन्द्र सिंह महता र उनका ४ वर्षीय छोरा सुशान्त महताको ज्यान गएको नौ गाड प्रहरी चौकीका सहायक प्रहरी निरीक्षक भुवन चन्दले जानकारी दिए ।

उनकी श्रीमती चनमति महता गम्भीर घाइते रहेको तथा उनलाई गोकुलेश्वर अस्पतालमा लगिएको छ । मृतक चन्द्र महताको घर पूर्ण रूपमा क्षति भएको उहाँले बताए । पहिरोले पुर्‍याएको क्षतिको विवरण आउन बाँकी रहेको छ ।