अनलाइन सिकाइ कार्यक्रमलाई निरन्तरता दिन मन्त्रालयको आग्रह

४ साउन, २०७७
शिक्षा, विज्ञान तथा प्रविधि मन्त्रालयले निजि विद्यालयहरुले स्थगित गरेको अनलाइन सिकाइ सहजीकरण कार्यक्रमलाई निरन्तरता दिन आग्रह गरेको छ।
आज मन्त्रालयका प्रबक्ता सहसचिव दीपक शर्माको हस्ताक्षर रहेको विज्ञप्ति जारी गर्दै निजी विद्यालयहरुले स्थगन गरेको अनलाइन सिकाइ कार्यक्रमलाई निरन्तरता दिन मन्त्रालयले अनुरोध गरेको हो।

निजी तथा आवासीय विद्यालय अर्गनाइजेसन ( प्याब्सन ) र रास्ट्रीय निजि तथा आवासीय विद्यालय अर्गनाइजेसन ( एनप्याबसन) सरकारले आफना मागहरूको सुनुवाइ नगरेको भन्दै सयुक्त रुपमा साउन एक गते देखि अनलाइन तथा बैकल्पिक सिकाइ कार्यक्रम स्थगित गर्ने निर्णय गरेका थिए।

निजि लगानीका विद्यालयमा उत्पन्न समस्याका विषयमा सबै सरोकारवालासँग परामर्श गरि प्राप्त राय सुझावका आधारमा समस्याको ठोस निरुपणको लागि मन्त्रालय प्रयत्नशील रहेको मन्त्रालय द्वारा जारी बिज्ञप्तिमा उल्लेख छ।
आर्थिक बर्ष २०७७/०७८को मौद्रिक नीतिमा
शिक्षा लगायतका व्यवसायीले लिएको ऋणको साँवा र व्याज बन्दाबन्दीको अवधिमा भुक्तानी गर्न कठिनाईलाई दृष्टिगत गर्दै कर्जा भुक्तानीको म्याद थप र कर्जाको पुनर्संरचना तथा पुनरतालिकीकरण गर्ने व्यवस्था गरिएको मन्त्रालयले जारी गरेको विज्ञप्तिमा भनिएको छ।