निजि विद्यालयहरुले भोलिदेखि बैकल्पिक शिक्षण सुरु गर्ने

७ साउन, २०७७
निजि विद्यालयहरुले साउन१ गते देखि स्थगित गरेको अनलाइन तथा बैकल्पिक माध्यमको शिक्षण कार्यक्रम साउन ८ गतेदेखि पुनः संचालन गर्ने निर्णय गरेका छन।

निजि तथा आवासीय विद्यालय अर्गनाइजेसन( प्याब्सन ) रास्ट्रीय निजि तथा आवासीय विद्यालय अर्गनाइजेसन ( एनप्याबसन), संस्थागत विद्यालय शिक्षक युनियन( ईष्टु) र अभिभावक संघका पदाधिकारीहरुको संयुक्त बैठकले सो निर्णय गरेको प्याब्सनका केन्द्रिय महासचिव कुमार घिमिरेले बताउनुभयो।
बैठकमा निजि तथा आवासीय विद्यालय अर्गनाइजेसन( प्याब्सन), रास्ट्रीय निजि तथा आवासिय विद्यालय अर्गनाइजेसन (एनप्याबसन),अभिभावक महासंघ, संस्थागत विद्यालय शिक्षक युनियन, संस्थागत विद्यालय अभिभावक संघ लगायतका अध्यक्ष तथा पदाधिकारीहरुको उपस्थिति रहेको उहाँले बताउनुभयो।

सरकारले आफ्नो माग सम्बोधन नगरेको भन्दै निजि विद्यालयहरुका साझा संगठन प्याब्सन र एनप्याब्सनले साउन १ बाट अनलाइन कक्षा लगायतका बैकल्पिक सिकाइ कार्यक्रम बन्द गर्दै आइरहेका थिए।