नेपालमा आज १ सय जना कोरोना संक्रमीत थपिए

साउन७, २०७७
आज देशभर कोरोनाका १ सय संक्रमित थपिएका छन्। स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार २४ घण्टा भित्रमा सो संख्याका संक्रमित थपिएका हुन्।

बुधबार थपिएकासहित देशभर हालसम्म संक्रमितको संख्या १८ हजार ९४ पुगेको छ। त्यस्तै २४ घण्टामा २ सय ७ जनाले कोरोनालाई जितेर घर फर्केका छन।

अब विभिन्न अस्पतालमा ५ हजार ३ सय ७० संक्रमित उपचाररत छन्।

मन्त्रालयका अनुसार विगत २४ घण्टामा मुलुकका विभिन्न प्रयोगशालाबाट ३ हजार ७ सय ७९ जनाको पिसिआर परीक्षण भएको छ। 

हालसम्म ३ लाख २७ हजार बढीको पिसिआर परीक्षण भएको छ भने ४२जनाको कोरोना संक्रमणबाट मृत्यु भएको छ।