नेपालमा आज थपिए १ सय ३० जना कोरोना संक्रमित

साउन ११,२०७७
आज नेपालमा १ सय ३० जना कोरोना संक्रमीत थपिएका छन्।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले दिनुभएको जानकारी अनुसार २४ घण्टाको अबधिमा सो संख्याका संक्रमित थपिएका हुन्। आज थपिएका १ सय ३० जना सहित अब देशभर कुल संक्रमितको संख्या १८ हजार ६ सय १३ पुगेको छ।

त्यस्तै बिगत २४ घण्टामा विभिन्न अस्पतालबाट ७५ जना कोरोना निको भइ घर फर्किएका छन्। आज निको भइ फर्किएका ७५ जना सहित हालसम्म १३ हजार १ सय २८ जना कोरोनाबाट मुक्त भइसकेका छन्।
नेपालमा निको हुनेको दर ७०. ५ प्रतिशत रहेको प्रबक्ता डा. गौतमले बताउनुभयो ।
अब देशभर ५ हजार ४ सय ४० जना सक्रिय संक्रमित रहेका छन भने ४५ जनाको कोरोनाको कारण मृत्यु भएको छ।