गजल

२०७७ भाद्र १२ गते शुक्रबार 
भ्रष्टहरू बलिया र इमान्दारहरू कमजोर हुनेछन।
उसैको बजार हुनेछ जसका दाहिना ईश्वर हुनेछन।

व्यर्थ प्रतीक्षा नगर्नु तिमी सुरक्षित छ सपना भनेर,
लुटिनेछन तिम्रा सपना शासक जति चोर हुनेछन।

देखे जस्तो हुदैन भए जस्तो देखिदैन राजनीति हो,
फोहर सुँगुरले गर्नेछन तर नि बदनाम खोर हुनेछन।

नयाँ क्रान्तिको सुरुवात त्यहीँबाट हुन थाल्नेछ हेर्नू
जहाँ गरिब अनि निमुखामाथी अन्याय घोर हुनेछन।

ठुला ठुला सामन्त ढलेका इतिहास अझै साक्षी छन
तिम्रो नि पतन हुनेछ सडकमा उर्लेका स्वर हुनेछन।

धर्मानन्द भट्ट
कञ्चनपुर