जेठ भित्र कक्षा ८ को नतिजा प्रकाशन गरिसक्नुपर्ने

मोहन पनेरु ,
जेठ २८, धनगढी । 
उपमहानगरपालिकाले जेठ ३१ गते भित्र आधारभूत तह ( कक्षा ८)को नतिजा प्रकाशन गरिसक्न विद्यालयहरुलाई परिपत्र गरेको छ ।
उपमहानगरपालिकाको शिक्षा, युवा तथा खेलकुद महाशाखाले  विद्यालयहरुले जेठ २८ गते देखि ३१ गते सम्ममा कक्षा ८ को नतिजा प्रकाशन गरिसक्न निर्देशन दिएको हो । 
आधारभूत तह( कक्षा ८)को  शैक्षिक सत्र २०७७ सालको नतिजा सम्बन्धित विद्यालयले नै प्रकाशन गर्नुपर्ने गरि सुचित गरिएको उपमहानगरपालिकाको शिक्षा, युवा तथा खेलकुद महाशाखा प्रमुख उपसचिव  नरेन्द्र खातीले बताउनुभयो ।