धनगढीमा मोटरसाइकलको ठक्करबाट पैदल यात्रुको मृत्यु

धनगढी, ४ वैशाख –  धनगढीमा हिजो साँझ मोटरसाइकलको ठक्कर वाट एक पैदन यात्रुको मृत्यु भएको छ । धनगढी उपमहानगरपालिका वडा नम्बर १९ फुलबारीमा से १ प ५३५० नम्बरको मोटरसाइकलको ठक्कर वाट सोही ठाउँकी पैदल यात्री सरस्वती अधिकारीको मृत्यु भएको कैलालीका प्रहरी नायव उपरीक्षक दक्ष बस्नेतले जानकारी दिनु भयो ।

मोटरसाइकलको ठक्कर वाट गम्भीर घाइते भएकी अधिकारीको उपचारका लागी सेती अञ्चल अस्पताल ल्याउँदै गर्दा ज्यान गएको प्रहरीले जनाएको छ । मोटरसाइकल चालक गोदावरी नगरपालिकाका राम प्रसाद चौधरी पनि गम्भीर घाइते भएका छन् । उनको सेती अञ्चल अस्पतालमा उपचार भइरहेको छ।
हिजोभन्दा स्वास्थ्य सुधारोन्मुख अवस्थामा रहेको प्रहरीले जनाएको छ ।