ढाट जलाउन खोज्दा प्रहरी असईलाई नै आगो लगाइयो

आगो लागेर घाइते भएकी प्रहरी असई पौडेल। फोटो सौजन्य: @NabarajSoti
आगो लागेर घाइते भएकी प्रहरी असई पौडेल। फोटो सौजन्य: @NabarajSoti
May 19, 2:58

काठमाडौः  राजश्व संकलन केन्द्रकी इन्चार्जलाई आगो लगाएको आशंकामा चितवन प्रहरीले दुईजना व्यापारीलाई पक्राउ गरेको छ। प्रहरीले रेष्टुरेन्ट एन्ड बार एसोसिएसन सौराहाका अध्यक्ष गोकर्ण गिरीलाई नियन्त्रणमा लिएको छ।

गत शुक्रबार बिहान करिब साढे १० बजेतिर व्यापारीको समुहले भरतपुर नगरपालिकाको १० नम्बर वडामा पर्ने गोद्राङ्बाट कर संकलन केन्द्र हटाउन ढाटमा आगो लगाएको थियो। ढाट जलाउने क्रममा छर्किएको पेट्रोल सडक दस्तुर संकलनकी इन्चार्ज असई कल्पना पौडेलको जिउमा परेको थियो। आन्दोलनकारीले आगो लगाएपछि असई पौडेलको जिउको केही भाग जल्न पुगेको थियो।

‘ प्रर्दशनकारीले ढाटमा आगो लगाउँदा उहाँको पनि शरिर जलेको हो। उहाँलाई नै जलाउन खोजिएको हो वा ढाटमा आगो लगाउँदा सल्किएको हो अनुसन्धान गर्दैछौं,‘ जिल्ला प्रहरी कार्यालय चितवनका डिएसपी दुर्गाप्रसाद रेग्मीले भने।

भरतपुर नगरपालिकाको १० नम्बर वडामा पर्ने गोद्राङ्बाट कर संकलन केन्द्र हटाउनुपर्ने भन्दै यसअघि नै स्थानीयहरुले प्रशासनमा ज्ञापनपत्र बुझाइसकेका छन्। प्रशासनले ठेकदारसँगको मिलेमतोमा ढाट राख्न दिएको स्थानीयको आरोप छ।

प्रशासनले ढाट हटाउन अटेर गरेपछि रत्नगर उद्योग बाणिज्य संघको नेतृत्वमा व्यापारीहरु र स्थानीय शुक्रबार बिहार ढाट जलाउन गोद्राङ पुगेका थिए। उनीहरुको कर संकलन केन्द्र भरतपुरमा नभएर चितवनको सिमामा राख्नु पर्ने माग छ।

सडक कर उठाउने पुरानो कन्ट्रयाक बैशाख मसान्तबाट सकिएको थियो। कर उठाउने नयाँ कन्ट्रयाक भने मौलाकालिका कन्स्ट्रक्सनले पाएको थियो। मौलाकालिका कन्ट्रक्सनका अध्यक्ष अमृत भट्टचनले ६ करोड ५१ हजार रुपैयाँ बुझाउने सर्तमा कन्ट्रयाक पाएका थिए। रत्ननगर उद्योग वाणिज्य संघले गोन्द्राङबाट कर हटाउन विरोध गर्दै आएको थियो।

घटनामा संलग्न भएको आरोपमा प्रहरीले चितवनका केही व्यापारीलाई समेत नियन्त्रणमा लिएर सोधपुछ गरेको छ। ‘ हामीले दुईजनालाई नियन्त्रणमा लिएका अनुसन्धान गरिरहेका छौं। थप शंकास्पदहरुको खोजी भइरहेको छ,‘ डिएसपी रेग्मीले भने।

घाइते असई कल्पनाको चितवन मेडिकल कलेज शिक्षण अस्पतालमा उपचार भइरहेको छ।

सम्बन्धित वर्गका समाचारहरू

करको विरोधमा २२ माघमा देशभरका सिनेमा हल बन्द हुने
काठमाडौं । चलचित्र विकास शुल्क र स्थानीय मनोरञ्जन करको विरोधमा फिल्म हल सञ्चालकले माघ २२ गते… विस्तृतमा
इजरायलमा मृत्यु भएका चार नेपालीको शव काठमाडौं ल्याइने…
काठमाडौं । हमासको आक्रमणमा परी मृत्यु भएका १० नेपालीमध्ये चार जनाको शव आइतबार नेपाल ल्याइने भएको छ… विस्तृतमा
कसुर प्रमाणित भए कति जेल सजाय हुन सक्छ अनमोललाई ?
काठमाडौं। आपराधिक विश्वासघात गरेको आरोपमा यतिबेला नायक अनमोल केसी प्रहरी हिरासतमा छन्। काठमाडौं… विस्तृतमा
कैलालीका शिक्षक शाहको शैक्षिक प्रमाणपत्र नक्कली रहेको…
काठमाडौं । कैलालीको घोडाघोडी नगरपालिका–२ साडेपानीस्थित दशरथ माध्यामिक विद्यालयका शिक्षक महेश शाहको… विस्तृतमा