सामाजिक विकास मन्त्री सुवेदीको पहलमा सुत्केरीको हेलिकप्टर मार्फत उद्धार

धनगढी, जेठ १८ - सुदूरपश्चिम प्रदेशको सामाजिक विकास मन्त्रालयले हेलिकप्टरबाट सुत्केरीको उद्धार गरेको छ । गत रातीबाट सुत्केरी व्यथा लागेर स्वास्थ्यमा जटिल समस्या देखिएपछि सामाजिक विकास मन्त्री कृष्णराज सुवेदीको पहलमा हेलिकप्टरबाट गर्भवतीको उद्धार गरिएके हो । 
बाजुराको बुढी नन्दा नगरपालिका वडा नम्बर १० राउलवाडाकी २२ वर्षीया रमिला रोकाय शुक्रवार राती १० बजे प्रसुती व्यथा लागेपछि कोल्टी प्राथमिक स्वास्थ्य केन्द्रमा भर्ना भएकी थिइन् । रोकायाले शनिवार बिहानसम्म पनि बच्चा जन्माउन नसकेपछि उनलाई शनिवार बिहान साढे ११ बजे नेपालगन्जका लागि हेलिकप्टर मार्फत लगिएको मन्त्री सुवेदीका स्वकीय सचिव लोकेन्द्र धामीले बताए ।