युवा नेता लोक राज पाण्डे ‘आगो’ द्वारा कैलाली उपसभापतिमा उम्मेदवारी दिने घोषणा

अत्तरिया स् नेपाली काँग्रेस युवा नेता लोकराज पाण्डे ‘आगो’ ले काँग्रेस कैलालीको उपसभापतिमा उम्मेदवारी दिने घोषणा गरेका छन् । उनले बुधबार सामाजिक सञ्जाल मार्फत उम्मेद्वारी घोषणा गरेका हुन् ।
सामाजिक सञ्जाल फेसबुकमा उनले लेखेका छन् । ‘आफु र समाजलाई जिवित राख्नका लागि नेपाली कांग्रेस कैलालीको उपसभापतिमा मेरो उम्मेद्वारी रहेको जानकरी गराउँदछु ।’ पार्टीमा युवाहरुको प्रतिनिधित्व गराउन आफ्नो उम्मेद्वारी रहेको बताएका छन् । काँग्रेसलाई संस्थागत, जिवन्त, गतिशिल र बिधिबिधान अनुसार चल्ने पार्टी बनाउन आफुले उम्मेदवारीको घोषणा गरेको उनको भनाई छ ।
युवा नेता ‘आगो’ क्षेत्रीय प्रतिनिधिमा निर्वाचित भएका हुन् । नेता आगो पूर्व क्षेत्रीय सचिव पनि हुन् । १३ औँ महाधिवेशनमा कोषाध्याक्षका प्रत्यासि समेत थिए । नेता आगो सुदूरपश्चिमकै लोकप्रिय छन् ।