खप्तडमा हिमपात हुदा यस्तो देखियो (फोटोफिचर)
![news](/sites/default/files/styles/carousel_large_image/public/2022-01/271646126_4873800582643064_8778877250769933277_n.jpg?itok=754PJ9iG)
डोटी २६ पुष /सुदुरपश्चिमको प्रमुख पर्यटकीयस्थल खप्तड क्षेत्रमा हिमपात भएको छ । हिमपात भएसँगै उक्त क्षेत्रमा एकाएक चिसो बढेको छ ।
![news](/sites/default/files/inline-images/270952424_4873800835976372_1650990041516012396_n-1-1024x768%20%281%29.jpg)
सुक्रवार राति र सोमबार खप्तड क्षेत्रमा हिमपात भएको हो ।
![news](/sites/default/files/inline-images/9.jpg)
दुईपटक परेको हिउँले राति र बिहानको समयमा खप्तडलगायत अन्य आसपासका क्षेत्रमा चिसो बढेको हो । हिउँले खप्तडमा डाँडाकाँडा रमणीय भएका छन् ।
![news](/sites/default/files/inline-images/8_1.jpg)
हिउँ करिब आधा फिट जति परेको उद्योग वाणिज्य सङ्घका महासचिव तथा खप्तड झिग्राना घरबासका सञ्चालक दीपकबहादुर खड्काले बताए । उनले भने, ‘खप्तडलगायतका क्षेत्रमा कम्तीमा पनि आधा फिट हिउँ परेको छ, हिमपातका कारण चिसो पनि बढेको छ ।’
![news](/sites/default/files/inline-images/10.jpg)
हिमपातका कारण खप्तड क्षेत्रको दृश्य निकै मनोरम भएका कारण यहाँ घुम्न आउने पर्यटकका लागि निकै रमाइलो भएको उनको भनाइ छ ।
![news](/sites/default/files/inline-images/271176138_4873800715976384_1520017696715188316_n-1024x768.jpg)
प्राकृतिक सौन्दर्यताको खानी खप्तडलाई धर्तीको स्वर्गको उपमा समेत दिइएको छ ।
![news](/sites/default/files/inline-images/7_1.jpg)
बझाङ, बाजुरा, डोटी र अछाम जिल्लाको संगमस्थलका रुपमा रहेको खप्तडमा २२ वटा घांसे मैदान अर्थात पाटन रहेका छन् । स्वीटजरल्याण्डको जस्तै प्राकृतिक दृश्यहरु रहेको कारण पनि खप्तडले त्यो उपमा पाएको हो ।
![news](/sites/default/files/inline-images/271528705_4873801339309655_1994884683534053947_n-1024x768.jpg)
प्राकृतिक दृश्यावालीहरुमा स्वीटजरल्याण्डलाई पनि माथ गर्ने, मनोरम, अनुपम र अद्भूत प्राकृतिक दृश्यावली भएको स्थान हो– सूदुर नेपालको खप्तड । सुन्दर घांसे मैदानमा पुग्नेवित्तिकै यात्रीको थकान मेटिन्छ ।
![news](/sites/default/files/inline-images/271592680_4873800969309692_2569945018266079928_n-1024x768.jpg)
यसको वरिपरि ५३ वटा थुम्काहरु छन् । जसलाई स्थानीय भाषामा झोती भनिन्छ ।
![news](/sites/default/files/inline-images/6_2.jpg)
घांसे मैदान, खप्तड दह, नाग ढुंगा, केदार ढुंगा, खप्तड बाबा आश्रम, शिव मन्दिर यहांको आकर्षण हुन् । यो ५० वर्ष पहिले खप्तड बाबाले तपस्या गरेको पवित्र ठाउं हो ।
![news](/sites/default/files/inline-images/271646126_4873800582643064_8778877250769933277_n.jpg)
धर्तीको स्वर्गका रूपमा मानिने खप्तड प्राकृतिक दृष्टिले मात्र नभई, धार्मिक पर्यटककिय हिसाबले समेत उपयुक्त गन्तव्य हो ।
![news](/sites/default/files/inline-images/5_3.jpg)
![news](/sites/default/files/inline-images/4_7.jpg)
खप्तड बाजुरा, बझाङ, अछाम र डोटी चार जिल्लाको केन्द्रमा रहेको छ । खप्तड सुदूरपश्चिमको प्रमुख पर्यटीकय गन्तव्य हो ।
![news](/sites/default/files/inline-images/2_8.jpg)
पौराणिक कालमा सिद्ध तथा ऋषिमुनीहरूले तपस्या गरेको यस क्षेत्रलाई पुराणमा समेत खेचरादी पर्वतका रूपमा वर्णन गरिएको छ । धार्मिक पर्यटनको ठूलो सम्भावना रहेको यो क्षेत्रमा कौरव र पाण्डवको युद्ध हुंदा पाण्डवले चौध वर्ष वनबास बस्दा केही समय यहां बिताएको किम्बदन्ती रहंदै आएको छ ।
![news](/sites/default/files/inline-images/1_6.jpg)
![news](/sites/default/files/inline-images/271655873_479983053467381_6867537352931705755_n-241x300.jpg)