महिलाहरूका लागि उद्घोषण तथा आधारभूत पत्रकारिता तालिम सम्पन्न

डोटी, असार १२ -

क्रियाशील महिला पत्रकार शाखा डोटीको आयोजनामा के.आई.सिंह गाउँपालिकाको दुगौमाण्डौँमा महिलाहरूका लागि उद्घोषण तथा आधारभूत पत्रकारिता तालिम बुधवार सम्पन्न भएको छ ।

केआई सिंह गाउँपालिकाको सहयोगमा गरिएको तालिममा प्रत्येक वडाबाट तीन/तीन जना गरी २५ जना महिलाहरूको सहभागिता रहेको क्रियाशील महिला पत्रकार डोटी शाखाकी सचिव सरिता कठायतले जानकारी दिइन् । महिलाहरूको क्षमता अभिवृद्धिका लागि कार्यक्रमको आयोजना गरिएको क्रियाशील महिला पत्रकार डोटी शाखाका अध्यक्ष सुनिता रावलले बताइन् ।

आगामी दिनमा पनि यस्ता कार्यक्रमलाई निरन्तरता दिँदै जाने अध्यक्ष रावल बताइन् । महिलाहरूका लागि उद्घोषण तथा आधारभूत एक दिने पत्रकारिता तालिमको उद्घाटन केआई सिंह गाउँपालिकाका उपाध्यक्ष मिना विष्टले गर्नु भएको थियो भने कार्यक्रमको समापन केआई सिंह गाउँपालिकाका अध्यक्ष लोकेन्द्र शाहीले गरेका थिए । तालिमका प्रशिक्षक पत्रकार मोहन शाही लगायतका रहेका थिए ।