कञ्चनपुरमा नेकपाका स्थानीय नेतामाथि कुटपिट
कञ्चनपुरमा नेकपाका स्थानीय नेतामाथि कुटपिट भएको छ । कञ्चनपुरको कृष्णपुर नगरपालिका वडा नम्बर ३ का स्थानीय नेता जनक राज जोशी, लक्ष्मण कार्की र लालझाडी गाउँपालिका वडा नम्बर ५ का दिलिप धामीमाथि कुटपिट भएको हो ।
नेपाली कांग्रेसका स्थानीय नेता दल बहादुर विष्टको समूहले उनीहरु माथी घरेलु हातहतियार समेत प्रहार गरी कुटपिट गरेको नेकपाले जनाएको छ ।
नेकपाका युवा नेता अर्जुन साउँदले पूर्व प्रधान पञ्च समेत रहेका कांग्रेसका स्थानीय नेता विष्टको समूहले हिजो राती जोशीको घरमा प्रवेश गरी उनकी श्रीमती राजमतीलाई समेत कुटपिट गरेको बताए भने स्थानीय नन्द माध्यमिक विद्यालय नजिकै रहेको चोकमा बसेका अवस्थामा लक्ष्मणी कार्की र दिलिप धामीमाथि कुटपिट गरिएको जानकारी दिए ।
घाईते भएकाहरुलाई उपचारका लागि गएराती नै महाकाली अञ्चल अस्पतालमा भर्ना गरिएकोमा उनीहरुलाई अन्यत्र रेफर गरेको छ ।