vivo

सुदूर चिनारी १२ औँ वर्षमा, पद्मराज जोशी ‘प्रभात’ विशेषाङ्क लोकार्पण 

पद्मराज जोशी ‘प्रभात’ विशेषाङ्क लोकार्पण 
पद्मराज जोशी ‘प्रभात’ विशेषाङ्क लोकार्पण 
March 13, 7:37

धनगढी – 

डोटेली भाषाको पत्रिका सुदूर चिनारी १२ औँ वर्षमा प्रवेश गरेको छ । विगत ११ वर्ष देखि डोटेली भाषाको उन्नयनका लागि काम गर्दै आएको सुदूर चिनारीले आज एक कार्यक्रमका बिच धनगढीमा ११ औँ वार्षिकोत्सवको अवसर पारी बहुप्रतिभाशाली व्यक्तित्व पदमराज जोशी ‘प्रभात’ विशेषाङ्क लोकार्पण गरेको छ । 

विशेषाङ्क लोकार्पण गर्दै सुदूर चिनारी पत्रिकाले ११ औँ वार्षिक उत्सव मनाएको हो । पत्रिकाका प्रकाशक/ सम्पादक एन.के. जोशीले पत्रिकाले काली कर्णाली क्षेत्रको भाषा, कला, संस्कृति, प्रकृति र त्यस्ता क्षेत्रमा योगदान पुर्‍याउने व्यक्तिको समेत चिनारी दिलाउँदै आइरहेको बताउनु भएको छ । पत्रिकाका सम्पादक यज्ञराज यात्रीको अध्यक्षतामा आयोजित कार्यक्रममा कार्यकारी सम्पादक निर्मल कुमार भण्डारीले गतिविधि र विशेषाङ्क प्रकाशनका सम्बन्धमा प्रकाश पार्नु भएको थियो । 

पद्मराज जोशी ‘प्रभात’

वार्षिक उत्सवको अवसरमा पत्रिकाले सुदूरपश्चिम जन्मिई, हुर्किई, यसै क्षेत्रलाई कर्मथलो बनाई यहाँको भाषा, साहित्य, कला, संस्कृति र धर्म दर्शनको क्षेत्रमा विशेष योगदान पुर्याउदै आइरहनु भएका साहित्यकार, संस्कृतिविद् पद्मराज जोशी ‘प्रभात’ का विषयमा केन्द्रित रही प्रकाशन भएको आफ्नो ६० औ अङ्कको सहभागीहरूबाट सामूहिक रूपमा लोकार्पण समेत गरेको छ । पत्रकार र साहित्यकारको सहभागिता गराइएको उक्त कार्यक्रममा नेपाल पत्रकार महासङ्घका पूर्व सदस्य एवम् धनगढी पोस्टका सम्पादक कर्ण शाह, साहित्यकार श्रेष्ठ प्रिया पत्थर लगायतले शुभकामना मन्तव्य राख्नु भएको थियो भने कार्यक्रमको सहजीकरण उक्त पत्रिकाका सह–सम्पादक लेखराज जोशीले गर्नु भएको थियो । 

 

 

सम्बन्धित वर्गका समाचारहरू

युवा लेखक जनक रसिकको उपन्यास ‘दोरी’ प्रकाशित 
धनगढी –  सुदूरपश्चिमका चर्चित युवा लेखक जनक रसिकको पहिलो उपन्यास ‘दोरी’ प्रकाशन भएको छ । विगत दुई… विस्तृतमा
गठबन्धनले कांग्रेसमा तरंग बिपिको सिद्धान्त बिर्षिएकै हो त !
नवराज जोशी नेपालको लोकतान्त्रिक आन्दोलनका अग्रज ब्यक्तीत्व प्रथम जन निर्बाचित प्रथम जननायक बिपि… विस्तृतमा
सांस्कृतिक सङ्घ चुरे समिति गठन 
धनगढी – नेपाल सांस्कृतिक सङ्घको स्थानीय पालिका गठन प्रक्रिया अन्तर्गत नेपाल सांस्कृतिक सङ्घ चुरे… विस्तृतमा
विवाद पछि समीक्षा अधिकारीको नयाँ गीत “बजाईदेउ”…
धनगढी,१९ फागुन / कुरा काट्ने मान्छेले काटुन बोलको चर्चित गीतका गायक सुभाष पुरीको स्वर रहेको नयाँ… विस्तृतमा