के पी ओलीको दिमाग फुस्केको छ : माधव नेपाल

धनगढी,२० चैत्र /  नेकपा एकीकृत समाजवादीका अध्यक्ष माधव कुमार नेपाल धनगढी पुगेका छन्। सुदूरपश्चिममा अन्य पार्टीमा रहेका केही नेता कार्याकर्ता समाजवादीमा प्रवेश गर्ने कार्यक्रममा सहभागी हुन अध्यक्ष नेपाल आइतबार धनगढी पुगेका हुन्। 

उनले धनगढीमा आयोजित पत्रकार सम्मेलनमा बोल्दै आफ्नो पार्टीमा प्रवेश गर्ने लहर चलेको बताए। ‘समयको प्रवाह हाम्रो पक्षमा छ। यो देखेर सबै हिसाबले प्रतिगामी दिशामा लागेकाहरुको प्रवृति छताछुल्ल भएको छ। दिमाग खुस्केको मान्छे जस्तै दिनदिनै जे मुखमा आयो त्यो बोलेको छ,’ नेपालले भने। उनी नेकपा एमालेका अध्यक्ष केपी शर्मा ओलीका विरुद्ध खनिएका छन्। 

अध्यक्ष नेपालले पार्टी स्थानीय तहको निर्वाचनको तयारीमा जुटेको बताए। गठबन्धनको सवालमा पनि छलफल भइरहेको धारणा उनको थियो। सबैलाई फाइदा पुग्ने गरी इमान्दारी पूर्वक चुनावी तालमेल हुने उनको भनाई छ।