डोटीमा नेपाली सेना र नागरिक बिच मैत्रीपूर्ण फुटबल प्रतियोगिता

गणेश मौनी 
बैशाख ९ डोटी / डोटीको जिल्ला सदरमुकाम सिलगढीमा अवस्थित भैरव प्रसाद गणले आयोजना गरेको मैत्रीपूर्ण फुटबल प्रतियोगिता भैरब प्रसाद गण र दिपायल सिलगढी नगरपालिका दुई समुह बिच मैत्रीपूर्ण खेल भई बिहीबार सम्पन्न भएको छ । 

नागरिक र सैनिक बिचको सम्बन्ध थप प्रगाढहोस भन्ने हेतुले आयोजना गरेको  मैत्रीपूर्ण फुटवल खेलमा भैरव प्रसाद गणले ४–१ गोलको अन्तरले विजयी भएको भैरब प्रसाद गणका गणपती प्रमुख सेनानी जनमत कार्कि बताए । 

उनले भने खेलकुद प्रतियोगिताहरुले नेपाली सेना र आम नागरिकको नजिकको सम्बन्ध स्थापीतहुन सहयोग पुग्नुका साथै खेलकुद प्रबद्र्धन र नयाँ खेलाडीहरु उत्पादनमा सहयोग पुग्ने समेत  प्रमुख सेनानी कार्किले बताए । 

सिलगडी स्थित टुडीखेलमा आयोजित मैत्रीपूर्ण फुटबल प्रतियोगितामा दर्शकको रुपमा डोटीका प्रमुख जिल्ला अधिकारी, प्रहरी प्रमुख, अनुसन्धान प्रमुख, डोटी जिल्ला खेलकुद समितिका अध्यक्ष, नागरिक समाज, स्थानीय, पत्रकार लगाएको सहभागिता रहेको थियो ।