हावाहुरी पिडितलाई सनराईज बैंकको डेढलाख सहयोग
धनगढी, साउन ६ - जेठ २३ गते आएको हावाहुरी पिडितहरुलाई राहत वितरणका लागि सनराईज बैंकले सोमबार सहयोग गरेको छ ।
सनराईज बैंक प्रदेश कार्यालय धनगढी प्रमुख सुरेन्द्र शाही र शाखा प्रवन्धक धर्म बिष्टले धनगढी उप–महानगरपालिकाका प्रमुख नृपबहादुर वड र प्रमुख प्रशासकिय अधिकृत नारायण प्रशाद सापकोटालाई हावाहुरी पिडितका लागि भन्दै डेढ लाखको चेक हस्तान्तरण गरेका हुन । धनगढी उप–महानगरपालिकाका प्रमुख नृपबहादुर वडले हावाहुरीको घाउमा मलम लगाउनका लागि सहयोग गर्ने सनराईज बैंक प्रति आभारी भएको बताए । उनले भने, सबै सहयोगि हातहरुलाई धन्यवाद दिन चाहन्छु ।
धनगढी उप–महानगरपालिकाका प्रमुख प्रशासकिय अधिकृत नारायण प्रशाद सापकोटाले मंगलबार देखि सबै वडातहमा नै हावाहुरी पिडितलाई राहत वितरण गरिने बताए ।
सनराईज बैंक प्रदेश कार्यालय धनगढी प्रमुख सुरेन्द्र शाही बिपदमा परेकाहरुलाई सहयोग गर्नु सबैको दायत्वि भएको बताए । मानवीयता र सामाजिक उत्तरदायीत्वका क्षेत्रमा सनराईज एसिया बैंकले सधै सहयोग गर्ने बताए ।