धनगढी उपमहानगरपालिकाद्वारा अट्बारी पर्वको शुभकामना व्यक्त

धनगढी, भदौ १५ - धनगढी उपमहानगरपालिकाले थारुहरूको महत्त्वपूर्ण पर्व अट्वारीको अवसरमा सबैलाई शुभकामना सन्देश दिएको छ । 
शुभकामना सन्देशमा भनिएको छ, थारु समुदायको महत्त्वपूर्ण पर्व अट्बारीमो अवसरमा स्वदेश तथा विदेशमा रहनुभएका सम्पूर्ण थारु समुदायका दाजुभाइ तथा दिदी बहिनीहरूमा हार्दिक मङ्गलमय शुभकामना व्यक्त गर्दछौँ । 
बहुभाषा, बहु संस्कृति र बहुधर्म भएको हाम्रो देशमा यस्ता चाड पर्वहरूले सामाजिक एकता, धार्मिक सहिष्णुता, भाइ बहिनीहरूको आपसी सम्बन्धलाई थप कसिलो बनाउने गरेको छ । धनगढी उप–महानगरपालिकाले हरेक जाति, वर्ग, क्षेत्र, धर्म र समुदायका चाडपर्वलाई समान प्राथमिकता दिँदै आएको अवगत गराउन चाहन्छौँ । 
साथै कुनै पनि पर्व अनावश्यक खर्चिलो, भड्किलो ढङ्गले नमनाउन सबै नगरवासीमा अनुरोध गर्दछौँ । पर्वलाई सभ्य, भव्य बनाउन समेत आग्रह गर्दछौँ ।