युवतीलाई राति बसबाट झारेर पाँच जनाले गरे सडक छेउमै बलात्कार, तीन जना पक्राउ
असोज १५ -
इटहरीमा एक युवती पाँच जनाबाट सामूहिक बलात्कारमा परेकी छन् । बलात्कार आरोपमा प्रहरीले तीन जनालाई पक्राउ गरिसकेको छ ।
पक्राउ पर्नेमा सुन्दरहरैचा वडा नम्बर १२ का बसचालक विकास कसई, झापा सुरुङ्गा ४ का सुरज थापा र सिरहाका सुजेन्द्र भुजेल रहेका छन् ।
ईलाका प्रहरी कार्यालय इटहरीले उनीहरुलाई पक्राउ गरेको हो । अन्य दुई जना भने फरार रहेको प्रहरी नायव उपरीक्षक विनोद शर्माले जानकारी दिए । उनकाअनुसार घटनामा संलग्न भएका मोरङ बेलबारीका नितेश घिमिरे र ताके भन्ने सुमन फरार रहेका छन् ।
उनीहरुले युवतीलाई सोमबार राति इटहरीको धरान-विराटनगर सडकखण्डको साथी पेट्रोलपम्प नजिक सामूहिक बलात्कार गरेका थिए ।
उनीहरुले धरानबाट को१ख ४६२६ नम्बरको बसमा युवतीलाई हालेर ल्याएको र रातिको समयमा रोडको छेउमा पालैपालो बलात्कार गरेको प्रहरीले जनाएको छ । प्रहरीले घटनाबारे थप अनुसन्धान भइरहेको जनाएको छ ।