डा. गोबिन्द केसी सेती अस्पताल भर्ना

धनगढी,

कात्तिक २८ - 

डडेलधुराबाट आफ्नो सत्रौँ अनसन स्थगित गरेर चित्सिा क्षेत्र सुधारका अभियन्ता डा. गोविन्द केसी धनगढी आइपुगेका छन् । धनगढी पुगेर स्वास्थ्य परीक्षणका लागि सेती प्रादेशिक अस्पताल पुगेका केसी अस्पताल भर्ना भएका छन् ।
उनको सेती प्रादेशिक अस्पतालका फिजिसियन डा. नीराजन दत्त शर्मा पौडेलले स्वास्थ्य परीक्षण गरेका थिए । पौडेलले स्वास्थ्यमा गम्भीर समस्या नभए पनि अनसनका कारण थकान र केही खराबी देखिएकाले अस्पताल भर्ना हुन केसीलाई सुझाएपछि केसी अस्पताल भर्ना भएका हुन् । उनको विशिष्ट कक्षमा फिजिसिएन डाक्टर निराजन दत्त शर्मा पौडेलले उपचार गरिरहेका छन् ।
केसी सीमा अतिक्रमणले स्तब्ध बनाएको भन्दै आफ्नो १७ औँ अनसनलाई नवौँ दिनमा स्थगित गरेर बुधवार बेलुका ७ः३० बजे धनगढी आइपुगेका थिए ।