डोटीमा ६६औँ प्रहरी दिवस मनाइयो

जिल्ला प्रहरी कार्यालय डोटीले ६६ औँ नेपाल प्रहरी दिवस मनाएको छ ।  प्रहरी दिवसको अवसरमा जिल्ला प्रहरी कार्यालय डोटीले विभिन्न कार्यक्रम गरी आयोजना गरिएको हो ।

प्रहरी दिवसको अवसरमा सहिद प्रहरी स्तम्भमा माला तथा सलामी अर्पण गर्नुका साथै  दिवसको पूर्व सन्ध्यामा आयोजना गरेका ब्याडमिन्टन प्रतियोगिता, दौड प्रतियोगिताका खेलाडीलाई पुस्तकार वितरण गर्नुका साथै उत्कृष्ट काम गर्ने प्रहरीहरूलाई सम्मान समेत गरेका छ ।

नेपाल प्रहरीले निष्ठावान र कर्तव्यनिष्ठ भएर  काम गर्नु पर्ने डोटीका निमित्त प्रमुख जिल्ला अधिकारी  किरण जोशीले बत्ताइन् । कार्यक्रमका प्रमुख अतिथि समेत रहेकी जोशीले भनिन् ‘ प्रहरीले हालसम्म कायम राखेको उच्चछवी निरन्तर राख्नका लागी सबै प्रहरी अधिकारीले काम गर्न आवश्यक छ ।’

जिल्ला प्रहरी कार्यालय डोटी प्रमुख प्रहरी उपरीक्षक दान बहादुर मल्लले नेपाल प्रहरीले संविधान प्रदत्त आम नागरिकको अधिकार र राष्ट्रका लागि नेपाल प्रहरी जिम्मेवार भएर लागिरहेको बताए ।