डोटीमा निर्मित १० शैयाको कोभिड आईसोलेसन वार्डको उद्घाटन

डोटीमा नब निर्मित १० शय्याको कोभिड आईसोलेसन वार्ड्को सामाजिक बिकास मन्त्री लालबहादुर खड्काले उद्घाटन गर्नुभएको छ । जिल्ला अस्पताल डोटीको आयोजनामा सुदुर पश्मि प्रदेश सामाजिक विकास मन्त्रालयको आर्थिक सहयोगमा निर्माण गरिएको वार्डको आज उद्घाटन गरिएको हो । उक्त कार्यक्रमको अध्यक्षता जिल्ला अस्पताल व्यवस्थापन समितिका अध्यक्ष यज्ञराज जोशीले गर्नुभएको थियो भने सामाजिक विकास मन्त्री लाल बहादुर खड्का प्रमुख अतिथी रहनुभएको थियो ।

कार्यक्रमा दिपायल सिलगढी नगरपालिका प्रमुख मञ्जु मलासी, प्रहरी निरीक्षक रबिन्द्र चन्द जनस्वास्थ्य कार्यालय प्रमुख उद्वव ठगुन्ना राजनीतिक दलका प्रतिनिधि प्रशासकीय अधिकृत मधुकृस्ण पौड्याल स्वास्थ्यकर्मी लगायतको उपस्थित रहेको थियो । कार्यक्रममा बोल्दै नगर प्रमुख मन्जु मलासिले अस्पताललाई व्यवस्थित बनाउन मन्त्रीको सहयोगको आवश्यकता रहेकोले नगरले घोषणा पत्रमा गरिएका प्रतिज्ञा गर्दै आएको बताउनुभयो ।