जुलाईमा अहिलेसम्मकै सबैभन्दा बढी गर्मी

काठमाडौं– पृथ्वीकै अहिलेसम्मकै सबैभन्दा गर्मी महिनाका रुपमा जुलाई महिना रहेको अमेरिकी संघीय वैज्ञानिकहरुको नियामक निकायले जनाएको छ ।

तथ्यांकले जुलाई महिनामा मात्रै जमिन र समुद्र सतहको संयुक्त तापक्रम शुन्य दशमलव ९३ सेन्टिग्रेड बढेर १५ दशमलब ८ डिग्री सेन्टिग्रेड पुगेको हो । यो १ सय ४२ वर्षपछिको सबैभन्दा उच्च तापक्रम हो । यस अघि तापक्रम वृद्धिको नयाँ रेकर्ड सन् २०१६ मा मापन गरिएको थियो ।

सन् २०१९ र १९२० पनि त्यही अनुपातमा तापक्रम मापन गरिएको थियो । यसरी लगातार रुपमा तापक्रम बढ्नुको कारण जलवायु परिवर्तनको असर भएको विज्ञहरुको भनाई छ ।