आज देशभर थपिए १०१ जना कोरोना संक्रमीत

धनगढी, साउन २
आज देशभरमा १०१ जना कोरोनाभाइरसका नयाँ संक्रमित थपिएका छन्।

स्वास्थ्य तथा जनसंख्या मन्त्रालयका प्रवक्ता डाक्टर जागेश्वर गौतमका अनुसार देशभरका २७ वटा प्रयोगशालामा ४ हजार ६ सय ८८ जनामा गरिएको पिसिआर परीक्षणका क्रममा १०१ जनामा कोरोना संक्रमण पुष्टि भएको हो। 

यो सङ्गै कोरोना संक्रमितको संख्या १७ हजार ४ सय ४५ पुगेको छ।

आज दुई सय ८५ जना कोरोना निको भएर घर फर्किएका छन्। अहिलेसम्म  ११ हजार पाँच सय ३४ ले कोरोनालाई जितिसकेका छन

देशभरीमा हाल २२ हजार सात सय ५६ मानिस क्वारेन्टाइनमा रहेको गौतमले जानकारी दिए।

हालसम्म नेपालमा कोरोनाबाट नेपालमा ४० जनाले ज्यान गुमाएका छन।