नौ महिने शिशु सहित बझाङमा थप २३ जनामा कोरोना संक्रमण पुष्टि
![कोरोना](/sites/default/files/styles/carousel_large_image/public/2020-08/inbound7892813468344472118.jpg?itok=e2qGLEx1)
साउन १७, २०७७
दोरेन्द्र खड्का बझाङ
शनिवार बझाङमा थप २३ जनामा कोरोना संक्रमण पुष्टि भएको छ।
सेती प्रादेशिक प्रयोगशाला धनगढीमा गरिएको पिसीआर परिक्षणमा मष्टा, छविसपाथीभेरा, दुर्गाथली, थलारा गाँउपालिका र जयपृथ्वी नगरपालिकाका २३ जनामा कोरोनाको संक्रमण देखिएको हो।
थलारा गाँउपालिकामा ९ महिने शिशु सहित ३४,२२,१९,१५ बर्षका महिला र १९, ३४,२३, १५ र २१ बर्षका ५ पुरुष गरि १० जनामा कोरोना संक्रमण देखिएको छ । यस्तै छविसथाथीभेरा गाँउपालिकाका २६ र १८ बर्षका दुई पुरुष र ३५ बर्षका एक महिला गरि ३ जना, मष्टा गाँउपालिकाका ६ बर्षकी बालिका र ४ बर्षका बालक, गरि दुई जना, दुर्गाथली गाँउपालिकाका ५ बर्र्षीया बालिका सहित २५ बर्षकी महिला र २२ बर्षका एक पुरुष सहित ३जना र जयपृथ्वी नगरपालिकाका २०, २३, २१, १८ र २२ बर्षका ५ जना पुरुषमा कोरोना संक्रमण पुष्टि भएको सेती प्रादेशिक प्रयोगशाला धनगढीले जनाएको छ ।
यो सँगै बझाङमा हालसम्म कोरोना संक्रमित हुनेको संख्या २ सय २२ पुगेको छ ।
यस अघि शुक्रबार केदारस्युँ गाउपालिकाका २५ जना, छबिसपाथिभेरा गाँउपालिकाका १ जना र मष्टा गाँउपालिकाका एक जनामा कोरोना संक्रमण पुष्टि भएको थियो ।
स्वास्थ्य कार्यालय बझाङका कोरोना फोकल पर्सन नारायण जोशीका अनुसार कोरोना संक्रमितहरु थपिएसँगै निको हुनेको संख्या पनि क्रमशः बढिरहेको छ।हाल सम्म बझाङमा १ सय ६६ जना निको भएर घर फर्किसकेका छन् ।
बुंगल नगरपालिका ३ का ६५ वर्षीय एक वृद्धको मृत्युपछि कोरोना संक्रमण देखिएको थियो भने खप्तडछान्ना गाउँपालिका ७ का एक कोरोना संक्रमित युवकले क्वारेन्टाइनमै आत्महत्या गरेका थिए ।