१ सय ८३ जनाको फाईल बोकेर नागरिकता दिलाउ प्रशासन पुगिन बडिकेदारकी उपप्रमुख भाट

 डोटी: डोटीको बडीकेदार गाउँपालिकाका १ सय ८३ जनाले गाउँपालिकाकी उपाध्यक्ष इन्द्रा बोहराको सहजीकरणमा नागरिता पाएका छन् । कोेरोना भाईरसका कारण डोटीको बडीकेदार गाउँपालिकाका यी नागरिकहरुले बञ्चित भएका थिए ।

डोटीमा नागरिकता बनाउँन जिल्ला सदरमुकाम धाउनपर्ने बाध्यताका कारण सयौको संख्यामा जिल्ला प्रशासनमा लाईन बस्नुपर्ने बाध्यता रहदै आएको छ । बडीकेदारका नागरिकहरुलाई डोटीको सदरमुकाम पुग्न निकै सास्ती हुने गरेको कुरा पुरानै हो ।

त्यसमाथि जिल्ला सदरमुकाममा नागरिकहरु अलपत्र परिरहेका हुन्छन् । एकै पटक धेरै नागरिकहरु सदरमुकाम नागरिकता बनाउँन जाने भएका कारण नागरिकता बनाउन हप्ता दिन पनि लाग्ने गर्दछ । यही अवस्थालाई मध्येनजर गर्दै नेपाली कांग्रेसकी नेतृ समेत रहेकी गाउँपालिकाकी उपाध्यक्ष बोहरा दुई तिन दिन देखी जिल्ला प्रशासन कार्यालयमा आफै पुगी आफ्ना नागरिकहरुलाई नागरिकता उपलब्ध गराउँन सहजिकरण गरिहेकी छन् ।