२२ औँ अन्तर्राष्ट्रिय युवा दिवस डोटीमा पनि मनाईयो

युवा परिबर्तनको सम्बाहक भएकोले समाज परिवर्तनमा युवाको महत्त्वपूर्ण भूमिका हुने दिपायल सिलगढी नगरपालिकाका नगर प्रमुख मन्जु मलासीले बताउनु भएको छ । जिल्ला युवा समिति डोटीको आयोजनामा २२ औँ अन्तर्राष्ट्रिय युवा दिवसको अवसरमा जिल्ला स्तरीय युवा सवाल तथा सिकाइ समिक्षा आदान प्रदान कार्यक्रममा बोल्दै मलासीले उक्त कुरा बताउनु भएको हो ।

जिल्ला युवा समिति डोटीले आयोजना कार्यक्रमलाई एक्सनएड नेपाल, सम बिकास केन्द्र, सामुदायिक बिकास मञ्च, सामुदायिक बिकास केन्द्र नेपालले सहयोग गरेका थिए । सूचना प्रबिधिको प्रयोग गरेर युवाको उर्जाको प्रयोग गर्न सकिने जिल्ला समन्वय समिति डोटीका उप संयोजक शशी सोवले बताउनु भएको छ । सूचना र प्रबिधिको युगमा युवाको क्षमता सहि ढंगबाट प्रयोग गरेमा देशको बिकासमा समेत टेवा पुग्ने शोबले बताउनु भएको छ ।

समाजिक बिकृती तथा बिसंगतिका बिरूदमा युवा सक्रिय भएर लाग्नुपर्ने अधिबक्ता लक्ष्मण मलासीले बताउनु भएको छ । बिद्यमान समस्याको रूपमा रहेर बाल बिवाह छाउपढी लगाएतका समस्या समाधानका लागि युवाहरूले सोचमा परिवर्तन नल्याएसम्म सामाजिक परिबर्तन सम्भब नरहेको अधिबक्ता मलासीले बताउनु भएको छ ।