डोटीमा एक महिलामाथी बलात्कारको प्रयास

डोटी 

डोटीको आदर्श गाउँपालिका वडा नम्बर ६ गिरिचौकामा एक महिला माथी बलात्कारको प्रयास गरिएको छ । गिरिचौकामा सायल गाउँपालिकाकी एक महिलालाई बलात्कारको प्रयास गरिएको पिडित महिलाले बताएकी छन् ।
पीडित महिला १८ गते घरबाट गिरिचौकामा आफन्तलाई भेटघाट गर्न गएकी थिईन । जाने क्रममा साझ करिब साढे ७ बजे गिरिचौकाको ढाटवाडा र काडा टोलको बीच जङ्गलमा एक जना अपरिचित पुरुषले आक्रमण गरेको पीडित महिलाको भानाई छ ।
बलात्कारको प्रयास गर्ने ब्यक्तिको हातमा हसिया र बन्चरो रहेको र पहिले त्यसै हतियारले आफुलाई हिर्काएर टाउकोमा, खुट्टामा र शरीर भरी नै गम्भीर चोट लागिसके पछि उक्त पुरुष बलात्कारको प्रयास गरेको महिलाले बताईन् । महिलाले भाग्दै गर्दा पनि उक्त पुरुषले पिछा गरेको भएपनि गाउँ नजिकै पुगेपछी सो पुरुष भागेको महिलाले बताईन ।
घटनाका सन्दर्भमा पीडित पक्षले फोन गरेपछी आफुले जानकारी पाएको वडा अध्यक्ष आदर्श गाउँपालिका वडा नं. ६ का अध्यक्ष लाल बहादुर खडायतले बताए । बलात्कारको प्रयास गर्ने ब्यक्ति को हो ? भन्नेकुरा खुल्न नसकेकोले पीडित पक्षलाई न्याय दिनको लागी आदर्शको ईलाका प्रहरी कार्यालयलाई जानकारी गराईसकेको र प्रहरी पुगेसके पछी घट्नाको अनुसन्धानको प्रक्रिया अगाडी बढ्ने बताए ।
अहिले घटनास्थल तर्फ प्रहरी गईरहेको बताईएको छ । पिडित महिला घाईते समेत भएकी छन् ।