Aagan-cakes-web-banner-2

कञ्चनपुरमा १८ वर्षमाथिका सबैलाई खोप

एक
November 24, 2:30

कञ्चनपुर — कञ्चनपुरमा १८ वर्षमाथिका सबै नागरिकलाई कोरोनाविरुद्धको खोप दिइने भएको छ । शनिबारदेखि जिल्लामा १८ वर्षमाथिका सबैलाई खोप दिइने स्वास्थ्य कार्यालयले जनाएको छ । अहिले भेरोसेल र अस्ट्राजेनेकाको खोप लगाइने छ । पहिलो चरणमा भेरोसेलका १ लाख डोज खोप आउनेछ ।जिल्लामा मौज्दात रहेको ७ हजार अस्ट्राजेनेकाको खोपमध्ये दोस्रो डोजका लागि सुनिश्चित गरेर लगाइने स्वास्थ्य कार्यालयका कोल्ड चेन अधिकृत जनक कुँवरले बताए ।

स्वास्थ्य कार्यालयका अनुसार कञ्चनपुरमा १८ देखि ४५ वर्षसम्म र यसअघि विभिन्न उमेर समूहमा खोप लगाउन छुटेका गरी २ लाख जनालाई खोप लगाउन बाँकी छ । कतिपय पहिलो डोज लगाएर दोस्रो डोज लगाउन छुटेका पनि छन् । ‘अब १८ वर्षमाथिका सबैलाई खोप लगाउने गरी आउँदै छ,’ कुँवरले भने, ‘यसअघि छुटेका र दोस्रो डोज नलगाएका सबैलाई खोप दिइनेछ ।’

हालसम्म जिल्लामा १ लाख १४ हजार ६६८ लाई पहिलो मात्रा र १ लाख ३४ हजार ६ सय ६३ लाई दोस्रो मात्रा खोप लगाइसकिएको छ । पहिलो मात्रा अन्यत्र लगाएर दोस्रो मात्रा यहाँ लगाएका कारण बढी देखिएको हो । स्वास्थ्य कार्यालयका अनुसार ४५ वर्षभन्दा माथिको उमेर समूह, सुरक्षाकर्मी, जनप्रतिनिधि, स्वास्थ्यकर्मी, सञ्चारकर्मी, सुदूरपश्चिम विश्वविद्यालयका विद्यार्थीलगायतलाई कोरोनाविरुद्धको खोप लगाइसकिएको छ ।

सम्बन्धित वर्गका समाचारहरू

भारतमा एकैदिन ओमिक्रोनका १७ संक्रमित फेला
भारतमा थप १७ जनामा कोभिड-१९ को नयाँ भेरियन्ट ओमिक्रोन संक्रमण पुष्टि भएको छ । आइतबार एकैदिन उक्त… विस्तृतमा
सारथी अस्पतालमा नसा, हाडजोर्नी र मेरुदण्डमा हुने विभिन्न…
धनगढी ३ मंसिर/धनगढीमा रहेको सारथी अस्पतालले नयाँ व्यवस्थापनका साथ नसा तथा हाडजोर्नी र मेरुदण्डमा… विस्तृतमा
धनगढीको सारथी अस्पतालद्धारा मधुमेहका बिरामीलाई निःशुल्क उपचार
धनगढी, २८ कार्तिक/ विश्व मधुमेह दिवसको अवसर पारेर धनगढीस्थित सारथी अस्पतालमा सचेतना मूलक कार्यक्रम… विस्तृतमा
धनगढीमै हुने भयो फिजियोथेरापीबाट नसा च्यापिएको सफल उपचार
धनगढी – कन्चनपुरको पुर्नवासकी एक १७ वर्षीय किशोरीको शौचालय जाने क्रममा मेरुदण्डको नशा च्यापिएर  १७… विस्तृतमा