तिज गितले समाज रुपान्तरण गरोस : उप–प्रमुख भट्ट
धनगढी, भदौ १३ - तिज गितले समाज रुपान्तरणका लागि सन्देश दिनुपर्ने धनगढी उप–महानगरपालीकाका उप–प्रमुख सुशीला मिश्र भट्टले बताएकी छन् ।
शुक्रवार कैलाली उद्योग बाणिज्य संघले आयोजना गरेको तीजको शुभकामना आदानप्रदान कार्यक्रमको उद्घाटन गर्दै उप–प्रमुख भट्टले अहिले समय परिवर्तन भैसकेको बताईन । दुःख, पिडा बेदनाकाका कुरा मात्रै होईन सकारात्मक सोचको संचार तिजले गर्नुपर्छ उप–प्रमुख भट्टले भनिन्, यस्तै सन्देश प्रवाह गर्नका लागि धनगढीका सबै वडामा तिज कार्यक्रमहरु आयोजना गरिएका छन् । उप–प्रमुख भट्टले तिजलाई महिलाको मात्रै पर्वको रुपमा नअर्थाउन अनुरोध गरिन । उनले भनिन्‘तिजले शसक्तिकरणको सन्देश दिन सक्नुपर्छ । अहिले पनि हरेक निहुँमा महिला माथी हिंसा भैरहेको बताउदै उप–प्रमुख भट्टले भनिन् , यो हिंसा सहेर बस्ने समय होईन ।
धनगढी उप–महानगरपालिका उद्योग बाणिज्य संघ कैलाली संग सहकार्य गरेर काम गरिरहेको पनि उप–प्रमुख भट्टले बताईन । उनले महिलालाई उद्यमशिलता तिर आकर्षण बढाउनका लागि आफुहरु सहयोग गर्न तयार रहेको बताईन । उद्योग बाणिज्य संघ कैलालीका अध्यक्ष पुष्पराज कुँवरले तीजलाई भब्य र सभ्य रुपमा मनाउन आग्रह गरे ।
यसैक्रममा कैलाली उद्योग बाणिज्य संघले महिलाहरुका लागि दरको ब्यबस्था पनि गरेको थियो ।