यसरी मनाईयो धनगढीमा बिश्व दृष्टी दिवस 

धनगढी,असोज २३ - कैलाली जिल्लाको धनगढीमा बिश्व दृष्टी दिवस २०१९ भब्य समारोहका बिच मनाईएको  छ ।
नेपाल नेत्रज्वती संघ जिल्ला शाखा कैलालीको आयोजनामा मनाईएको बिश्व दृष्टी दिवस २०१९ को सुदूरपश्चिम प्रदेशका मुख्यमन्त्री त्रिलोचन भट्ट र धनगढी उप–महानगरपालिकाका प्रमुख नृपबहादुर वडले उद्घाटन गरेको थिए ।
कार्यक्रमको उद्घाटन गर्दै सुदूरपश्चिम प्रदेशका मुख्यमन्त्री त्रिलोचन भट्टले खानपान र जिवनशैलीका कारण पनि आँखाको ज्वती गुम्ने किसिमका रोगको संक्रमण बढेको बताए । आँखा सम्वेदनशिल अंग हो मुख्यमन्त्री भट्टले भने, यसको सुरक्षाका लागि सरसफाई र खानपानमा ख्याल राख्नुपर्छ । कैलालीमा रहेको गेटा आँखा अस्पतालले नेपालका मात्रै नभएर भरतीय आँखाका बिरामीहरुलाई समेत सेवा दिईरहेको छ ।
धनगढी उप–महानगरपालिकाका प्रमुख नृपबहादुर वडले आफु धनगढीलाई मोतिया बिन्दु रहित नगर बनाउनका लागि लागिपरेको बताए । धनगढी नेत्रालय संग समन्वय तथा साझेदारी गरेर ९ वटा आँखा शिविर संचालन गरिसकेका छौ नगरप्रमुख वडले भने, जसमा ८ हजार ५ सय ५५ जनाको आँखा परिक्षण गरिनुको साथै २ हजार ६ सय ८१ जनालाई निशुल्क चस्मा वितरण गरिएको छ भने १ हजार १४ जनाको आँखाको निशुल्क सल्यक्रिया समेत गरिएको छ ।
नवजिवन सहकारीका अध्यक्ष तथा चक्रबहादुर सिंह नेपाल नेत्रज्वती संघका कार्यबाहक अध्यक्ष यज्ञ चौधरी लगायतले आँखाको महत्वका बिषयमा धारणा राखेका थिए ।