दार्चुला तुइन प्रकरणमा सरकारले भारतलाई पठायो कूटनीतिक नोट

छानविन समितिको प्रतिवेदनअनुसार परराष्ट्र मन्त्रालयले कूटनीतिक पहल थालेको जनाइएको छ। १५ साउनमा भारतीय सीमा सुरक्षा बल (एसएसबी)ले तुइनको तार काटिदिँदा दार्चुलाको ब्यास नगरपालिका–२ का जयसिंह धामी महाकाली नदीमा खसेर वेपत्ता भएका थिए। घटनाबारे छानविन गर्न दार्चुला पुगेको सहसचिव जनार्दन गौतम नेतृत्व समितिले एसएसबीको उपस्थितिमा घटना भएको बताएको छ।