कांग्रेसलाई एकढिक्का बनाउँछु : सभापति बलायर

कैलाली/  नेपाली कांग्रेस सुदूरपश्चिमका नवनिर्वाचित प्रथम सभापति वीरबहादुर बलायरले प्रदेशमा पार्टीलाई एकढिक्का बनाउने प्रतिवद्धता गरेका छन ।

संस्थापन पक्षबाट चुनाव लडेका नेता बलायरले प्रदेशमा पार्टीलाई गुटरहित बनाएर विकास र समृद्धि केन्द्रित बनाउने बताए । उनले आगामी चुनावमा अब्बल आउन अहिलेदेखि नै पार्टीलाई एकढिक्का बनाउन आवश्यक रहेको पनि बताएका छन ।

आइतबार सार्वजनिक मतपरिणाम अनुसार प्रतिद्धन्द्धी संस्थापन इतर पक्षका उम्मेदवार नारायणदत्त मिश्रलाई फराकिलो मत अन्तरले पराजित गर्दै बलायर सुदूरपश्चिम प्रदेशको पहिलो सभापतिका रुपमा निर्वाचित भएका हुन । बलायरले ६ सय ८८ मत ल्याउँदा प्रतिद्वन्द्वी मिश्रले दुई सय ८० मत प्राप्त गरेका थिए।