कैलाली जिल्लाको नेकपा एमालेको आठौं जिल्ला अधिवेशन सुरु

धनगढी,२३ पुस /  कैलालीमा नेकपा एमालेको जिल्ला अधिवेशन सुरु भएको छ । पार्टीका अध्यक्ष केपी शर्मा ओलीले जिल्ला अधिवेशनको उद्घाटन थापाथाली स्थित केन्द्रीय कार्यालयको एक्सन रूमबाट एकैसाथ भर्चुअलरुप मार्फत उद्घाटन गरेका छन् ।

सुदूरपश्चिम प्रदेशमा बझाङ बाहेक कैलाली, कञ्चनपुर, डोटी, बैतडी, अछाम, दार्चुला डडेल्धुरा र बाजुरामा  शुक्रवार जिल्ला अधिवेशन हुन लागेको हो । दशौं महाधिवेशनबाट निर्वाचित केन्द्रीय कमिटीको दोस्रो पूर्ण बैठकले पुस २३ गतेका लागि जिल्ला र आउँदो माघ ८ गतेका लागि पार्टीको प्रदेश अधिवेशन गर्ने निर्धारण  समेत गरेको थियो ।

सोही अनुसार सुदूरपश्चिमका ८ जिल्लामा जिल्ला अधिवेशन सुरु भएको एमाले सुदूरपश्चिम प्रदेश सचिव धर्मराज पाठकले जानकारी दिए ।